ما يحن قلبك

من شفاه الغيم حبي قد تحدَّرْ

يحمل اشواقي على كفة محارهْ

ها حبيبي شوف قلبي كم تأثرْ

من بعادك… ما يحن قلبك؟ خسارهْ

مستحيل اني اخسرك في ذنب مَجْبَرْ

و اللي ينبش بالجفا يشرب غبارهْ

كنت في قلبي المؤانس و المؤمرْ

ليش بعدك يكتوي قلبي بنارهْ

كم و كم يا منيتي قلبي تهورْ

كم يعاندني و لك يأخذ بثارهْ

قلت له… يا قلب من حبه تِأخرْ

لامني و اغتاظ واشعل بي شرارهْ

صرت انا في عشقتك مجنون و اكثرْ

ليت تفهمني حبيبي بالإشارهْ

جي معي دندن..و شوف الصبح أسفرْ

بسمتك أحلى تجيني بالبشارهْ اهداء. ......صفوت

.