……….. ثمن الغربه ………….
دفعت تمن الغربه جرووح
وعشت كل عمرى فى الام
وحياتى بتجرى وبترووح
وكل أمنياتى لقيتها احلام
وصفحاتى تاه منها الطموح
ومبقاش ليها كمان أرقام
والمرايا كتاب مفتوووووح
وحقيقتها اوضح من الكلام
بتكشف الملامح والروووح
والوان وراها غش وأوهام
ومع الغربه عايشه بوضوح
ومتعرفش ايه معنى الغرام
ولا بتحس بقلب أى مجروح
عاش الغربة علامة إستفهام
لياليها طويله بخط صريح
وحروف القلم بقا لونها ظلام
وحيد الغربه تلعب بيه الريح
وتفكيره يتووه وسط الزحام
حساباته على الورق مراجيح
وعيوونه نفسها فى ليله تنام
…………………………………..
………. حسن الشوان 🇪🇬 …….
المعهد الأكاديمي الثقافي الدولي للسلام 
أضف تعليق