المغرب بلادي
يا اللايمني في حب المغرب وغرامو
وأنا يا سيدي عاشقة أرضو وهواها
أنت ما عارفني خادم من خدامو
وماقادرة نعيش غير تحت سماها
لحم اكتافي من خيرو ونعامو
هو للروح العليلة طبيب ودواها
قلبي مسكين معلق بصحراه وجبالو
مانحلف غير بامواجو واللي علاها
تساريت البلدان مالقيت نسامو
وفي قاموس البهى مالقيت بحال بهاها
الخير متأصل في نساه ورجالو
وصغيرنا يموت على حفنة من تراها.
قاموس
اللايمني :لائمي.
تساريت :جلت
البهى :البهاء
نسامو:نسائمه
في نساه: في نسائه
بقلم جميلة لمكلس أم اليتامى .
المعهد الأكاديمي الثقافي الدولي للسلام 
أضف تعليق