حبيت انشر قصيدتي وشاركم فرحتي بعيد ميلاد إبني “دانيال “
شو حلو تشرين …
لما عيونك يا إبني فتّحت فيه و رسمت بسماتو…
و قطّفت حروف إسمك “دانيال” من بساتينو…
٨ سنين من العمر صارو…
شو حلو تشرين
حامل الخريف بجفونو …
صهيل الريح هرّت اوراقو …
والهوا ناغش الورد بنسماتو …
ونسماتو بالأنفاس غلّو …
وبالسما لاحت غيومو …
والشتي غسّل الأرض بزخّات أمطارو …
وفاحت ريحة التراب من عطرو …
شو حلو تشرين…
رجّع الحنين ورجعت ريحة الطيون بتفاصيلو… ❤️ Happy Birthday Daniel ❤️
الشاعرة فاطمة أسعد
المعهد الأكاديمي الثقافي الدولي للسلام 
أضف تعليق