دمعة مبتسمة //بقلم المبدع م. هشام غازي

دمعة متبسمة
دمعة تنزل ورا دمعة
على خد جميل
والجفن يبرق ياجماله
والكحل يسيل
يا ابودمعة مخلوطة
ببسمة نورت الليل
خليت عوازلك من
نورك يطفو القناديل
إمسح دموعك دانتا
مالكش مثيل ولا
لقيولك بديل
العين غيرك ماشافت
ولاحتى ترضى تميل
مفيش في الزمن ده
منك ولوحتى قليل
أنت اتولدت بس
وقفلوا على الموديل
أهو دا الجمال الرباني
مش بودره وروچ
و أدوات تجميل
الوسط ملفوف بملاية
والخصر نحيل
والشعر خصلة حرير
ملفوفه بأوية منديل
بصراحه حتة بسبوسه
منيكان وموديل
الدم شربات متكرر
مش دم تقيل
عشان عنيكي النعسانه
غنيت مواويل
الثغر متبسم وشفايفك
الشهد منها يسيل
والشمس تصحى من
نومها في عز الليل
تشرق تنور سماها
وتداوي قلبي العليل
والله انا عاشئك وفيه
على عشقي الف دليل
بابنت قلبي يا مصريه
ياحفيدة النيل
يالي غرامك أسعد
مهجتي ورتل الحب في قلبي ترتيل
بقلمي م/هشام غازي