يمكن في لحظة
……….
وأهي حاجة م الحاجات
إللي كارهينها
وأهي ذكري م الذكريات
إللي ناسينها
بتمر من سكات
تقلب ع القلب المواجع
وتفكرنا باللي فات
والعمر إللي مش راجع
تعبنا م الكلام
وسنين الإنتظار
وماتت الأحلام
وكل شيء إنهار
وبرضو لسة
عايشين بنعافر
يمكن في لحظة
ربك قادر
أيوة رجعنا
كتير لورا
ماتقلش إشمعنا
ايه إللي جري
يمكن الأه المكتومة م اليأس
تخرج بفرحة تهز القلوب
ربك قادر يجبر بخاطر
إللي ياما بات مغلوب
تيجي من عند الله
ومن عند غيرة مش عايزينها
………..
حسن محمد علي
١٥ / ١ / ٢٠٢٤
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
المعهد الأكاديمي الثقافي الدولي للسلام 
أضف تعليق